M’arregordu candu fiu in terza media, ca intzaras cumintzamu a castiai is piccioccheddas, e bisamu avatu de is femias de su cinema e de sa televisioni.
A s’ora si cumintzanta a bi’ is primus minigonnas; is beccius narànata ca fianta totu’ bagassas cussas eguas de sa televisioni a coscias in foras; nàranta ca in bidda ci fiada stetiu un omini chi hiada arrembrottau a sa filla, chi obiada bessiri in pratza in minigonna crutza, cun igustus malus fueddus: ” Tocca, bai e cuadì cussas coscias, ca faisi arrettai a mei, it’had’essi a sa genti allena!” e d’hiada fatta torrai aintru a si cambiai sa gonna.
No sciu chi su contu sia’ berus o mabesa de sa genti, ca inventàda contus po arrì in pratza (e custu sutzedia da prusu aprimasa, candu sa genti ancora andàda in pratza a ci passai s’hora) ma su contu, berus o frassu chi siada, dimostrada ita pentzada sa genti de sa modernidadi e de s’emancipatzioni de is feminas.
Fiada intrendi a s’ora sa musica psichedelica e is cantantis e is musicistas de is complessinus fianta genti differenti de nosusu: nosusu festus ancora antigus, attaccausu a su Connotu, a s’antiga, cussus, ominisi e feminasa, hianta giai sciorroccau is murus de s’inibitzioni e bivianta s’amori liberu, rapportus sessualis senz’e si coiai, sessu de gruppu e totu su chi bieusu oyndì, me is giovanus de oy, ci fiada giai me is giornalis, me is giornalettusu, me is fotoromanzusu e a su cinema.
E nosu, is picciocchedduas, bisastusu de feminas liberas, prontasa a fai s’amori cun nosu senz’e domandai contusu o istorias de fidantzamentu o de coja.
10. continuada…
Nessun commento:
Posta un commento