Is avventuras de su pisittu Gigettu

Na' ca ci fiada, in d'una bidda attesu, attesu, dus isposus ca, mancai si obessinti bei diaderus, no fiant' arrennesciusu a tenni fillusu.
Una die Carla, ca tottus tzerrianta Lalla, naresit a Romulu:
-" Una collega m'ha' pediu a isci' chi bollu su pisitteddu c'ha fattu sa pisitta sua."
Romulu, ca connosciada bei a sa mulleri, cumprendesit ca issa hiat giai ditzidiu de pigai in domu cussu pisiteddu ma preferesit de camufai su scarsu entusiasmu a pabas de una pregunta interlocutoria:
-          “Ma podit essiri  ca is pisittas fetzanta sceti unu fillu?? Deu mi credia chi angessinti a cuatru a cuatru!"”
-          “Ehia” – arrispundesit  Lalla – “ma parit chi custa borta siada unu fillu unicu !”.
Apustis de unu pagu dias, un offeddu  de pilu maculau a grogu fesit s'intrada  in domu 'nsoru. Aprimitziu su pisiteddu arrodiesit  po sa domu , mesu maravilliau e mesu stontonau , visitendi is aposentus , e fadendi  su viaggiu aintru de sa cuccia e de s'isterzu  ca  Lalla d'hia' sistemau in sa  veranda serrada.
Acabada custa fasi esplorativa pighesit  a s'accucciai me is peis de Lalla, po infinisi  ammostai de agradeci  sa cumpangia sua fintzasa in  su megàma, sartendiddi  in coa delicatamente, apustis de s'essi accostau suspettosu, e consumendi impari sonnus di oru. Su pisitteddu hia' scioberau su meri su!

Lalla detzidesit de du tzerriai Luisu, fortzis po onorai su rey  frantzesu Luisu XIV, pero apustis pighesit a du tzerriai cun su schenceriu de Gigettu. Du fueddàda cumenti si fueddessidi a cussu pipiu chi tanti hiai disigiau, ponendiddi preguntasa, chescendisi candu su tempu fiat malu e gosendi cun issu cantu ci fiada su sobi, arreprocendiddu, ma cun tanti amori,  candu fadia’ troppu su scadralluttu  ( e arraminiu doi fiada, fattu-vattu cussu ambueri de pisitteddu).

Su pobiddu da pigàda in giru po custu fattu.

-          “No t’has a crei ca su pisittu immui t’arrispundada!”

Ma Lalla continuàda a du fueddai cumenti si fessidi unu pipiu e no s’incuràda de is brullas chi di fadiàda  su pobiddu.

Calincuna ‘olta, candu fiada nervosa, d’arrespundiada infadada: “ Tui se’ cunvintu ca su pisitteddu no cumprenda’ nudda, pero ti sballiasa! Ti du potzu assegurai”

Ma fianta certus de innamoraus e nudda de prusu!

... continuada...

Disponibile anche in lingua italiana al link di Amazon: https://www.amazon.it/dp/B07Z2NG18H